Пара дзюдодан Париж-2024 XVII жазғы паралимпиадасының чемпионы Ақмарал Науатбекке ерекше спорттық мәртебе берілді, – деп хабарлайды Aikyn.kz.
Енді қазақстандық пара дзюдошы алдағы 4 жылда есімі алтын түстес жазумен жазылған кимоно киіп күреседі. Спортшы сүйінші жаңалықты әлеуметтік желідегі парақшасында жариялап, жаңа кимоносының суретін көрсетті.
Еске сала кетейік, пара дзюдодан 48 кг салмақ дәрежесінде (J2 санаты) белдескен Ақмарал Науатбек Париж паралимпиадасында алтын медаль алып, пара дзюдодан Қазақстан тарихындағы тұңғыш паралимпиада чемпионы атанған болатын.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.