Инвестиция тарту әр мемлекет үшін маңызды іс. Бұл жайлы ел президенті де айтып жүр. Бүгінде инвестициялау үшін қандай секторлар перспективалы болып есептеледі?
Бұл сұраққа Ауыл шаруашылығы министрі Айдарбек Сапаров Aiqyn газетінің тілшісіне берген сұхбатында жауап берді.
Әлеуметтік-кәсіпкерлік корпорациялар арқылы ірі өнеркәсіптік инвестициялық жобаларды іске асыруда Солтүстік Қазақстан облысының табысты тәжірибесін тарату жалғасуда. Жобаларға несие беруге 2024 жылы 100 млрд теңге бөлінді. Қаражат 65 тауарлық сүт фермасын қаржыландыруға арналған, бұл жылына қосымша 372 мың тонна сүт өндіруге мүмкіндік береді. 2025 жылы несиелік бағдарламаға 200 млрд теңге бағытталады.
Ет, сүт және астықты тереңдете өңдеу және өнеркәсіптік жылыжай шаруашылығын дамыту, тері мен жүнді және мақтаны өңдеу басымдыққа ие.
Биыл министрлік жергілікті атқарушы органдармен бірлесіп, 2025-2027 жылдарға арналған АӨК инвестициялық жобаларын іске асыру жөніндегі Жол картасын әзірледі, оның шеңберінде 2,4 трлн теңгеге 632 жобаны іске асыру жоспарлануда. Бұдан бөлек, 264 жобаны іске асыруды жоспарлап отырмыз. Инвестициялардың ең көп саны қайта өңдеу, құс және жылыжай жобаларына тиесілі.
Шетелдік инвесторлар да үлкен қызығушылық танытуда. Coca-Cola ірі трансұлттық компаниясы үшінші зауытты іске қосты. Оның қуаттылығы – жылына 283 миллион литр өнім. PepsiCo және Carlsberg шамамен 500 миллион АҚШ долларын инвестициялауға ниетті. Бұл мысалдардың бір бөлігі ғана, – деп жауап берді министр
Сұхбатты мына сілтемеден толық оқи аласыз
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз