Жаңалықтар Қазақстан

Семей тұрғындары зейнеткерлік жасты қайта қарауды ұсынды

Семей тұрғындары зейнеткерлік жасты қайта қарауды ұсынды
Семей тұрғындары зейнеткерлік жасты қайта қарауды ұсынды
96
оқылды
ADAL партиясынан Мәжіліс депутаттығына кандидаттар аймақтық сайлаушылармен кездесу өткізуді жалғастырып жатыр.  Ардақ Назаров, Дәулет Мұқаев, Олжас Ордабаев, Алмасбек Садырбаев Семей қаласында бірқатар кездесу өткізді. Олжас Ордабаев құрылыс материалдарын шығаратын жергілікті компанияның жұмысшыларымен кездесті. Депутаттыққа кандидат ADAL партиясының негізгі мақсаттары, міндеттері туралы айтып, adalpartiyasi.kz сайтының қызметі жайында сөз қозғады. Атап айтқанда, «Сіздің аймағыңыздың проблемалары» сервисін талдап, мүмкіндіктерін түсіндірді. Ондағы деректер кездесуге қатысушылардың қызығушылығын тудырды. width=Компания қызметкерлері мемлекет аймақ тұрғындарының зейнетке шығу жасын қайта қарауы керегін алға тартты. «Тек менің отбасымда төрт буынның проблемасы бар. Жақында әкем қайтыс болды, туыстарым онкологиядан көз жұмды. Мұның бәрі ядролық полигонның зияны. Бізде 70 жыл – ұзақ өмір сүру жасы болып саналады, елестетіп көріңізші? Зейнеткерлік жасты қайта қарау қажет», – дейді тұрғын. Олжас Ордабаев агробизнес және экономика колледжінде жастармен және оқытушылармен кездесу кезінде мұғалім мәртебесіне тоқталып, барлық санаттағы ұстаздар үшін ерекше мәртебе алудың маңызын атап өтті.
«Биыл мұғалімдер мәртебесі туралы заң қабылданды, бірақ ол көбінесе мектеп мұғалімдеріне қатысты. Мұғалімдерді бөліп-жаруға болмайды, әркімнің лайықты мәртебесі болуы керек дейміз. Бұл ойдан шығарылған нәрсе емес. Біз бұған қол жеткізе аламыз», – деді партия өкілі.
Колледж оқытушылары білім беру ұйымдарын қаржыландырудың жеткіліксіздігі мәселесін айтты. Ардақ Назаров, Дәулет Мұқаев, Олжас Ордабаев, Алмасбек Садырбаев көпбалалы отбасылармен және кәсіпкерлермен кездесу өткізді. Тұрғындар бірқатар өзекті мәселелерді көтерді: тұрғын үйдің жетіспеушілігі, алғашқы төлемге қаражаттың тапшылығы т.б. Сонымен қатар тұрғындар бизнеске арналған гранттарды бөлудің ашықтығын қамтамасыз етуге ниет білдірді.
Дәулет Мұқаев партияның веб-сайты арқылы белгілі бір аймақта мемлекет қаржысының неге жұмсалатынын нақты көрсетті: «Бюджет қаражаты жергілікті халықтың нақты проблемалары мен қажеттіліктерін ескере отырып жұмсалуы керек». width= Сондай-ақ барлық өңірлерде кең таралған мәселе – ауыл шаруашылығы үшін жердің жетіспеушілігі талқыланды.
 «Жерге қатысты өте үлкен проблема бар, дегенмен ол өте көп. Үш жылдан бері біз өсімдік шаруашылығымен айналысамыз, қоймалар бар, сату нүктесі бар, бірақ жер жоқ. Жалға аламыз, сондықтан шығындар ақталмайды. Әкімдік бұл мәселені біледі, жер бәріне үлестірілді, бірақ оны ешкім пайдаланбайды, ал біз ала алмаймыз», – деп шағымданды кәсіпкер.
Сонымен қатар қала тұрғындары ауызсумен қамтамасыз ету жағдайына шағымданды.
«Мен Водный ауылының тұрғынымын, бірақ бізде су жоқ. Егер су болса, ол техникалық, сіз оны іше алмайсыз! Біз 40 жыл бойы осылай өмір сүріп келеміз. Сумен жабдықтау жүйесін салуды бастады, бірақ өте баяу. Осындай судың салдарынан біз ауырамыз, кішкентай балалардың бүйрегі  темір мен әктасқа толы», – дейді Семей қаласының тұрғыны.
Олжас Ордабаев кәсіптік білім беру жүйесіндегі бірқатар жүйелік проблемаларды мойындап, бұл мәселеге партия бағдарламасында үлкен мән берілгенін еске салды. Осылайша, студенттерге арналған практикалық сабақтар көлемін ұлғайту арқылы жұмыспен қамту мәселелерін шешу ұсынылады.
«Біз проблемаларды талдау және жинау бойынша үлкен жұмыс істедік. Проблемалардың осы базасына қарап отыруға болмайды. Қазірдің өзінде, Мәжіліс пен мәслихатта емес, біз әр әкімдікке осы мәселелердің шешімін бірлесіп іздеуді ұсындық», – деді Олжас Ордабаев.
Сондай-ақ Талдықорғанда сайлаушылармен кездесу өтті. Мәжіліс депутаттығына кандидат Ләззат Шыңғысбаева қала кәсіпкерлерімен және жастармен кездесті.
Кәсіпкерлер партия бірқатар мәселені шешуге үлес қосса деген тілектерін білдірді. Олардың пікірінше, медициналық сақтандыру қорына аударымдар тек ерікті түрде жүргізіліп, жас ұрпақ үшін жаңа жастар саясаты іске асырылуы керек. Оның шеңберінде, ең алдымен, жұмыспен қамту және өз-өзіне қызмет көрсетуді жүзеге асыру үшін жаңа мүмкіндіктер жасау қажет.