«ҚазАқпараттың» хабарлауынша, Алматыда əлемдік оторларингология саласының үздік хирургы Роберто Пужеду Санжар Асфендияров атындағы ҚазҰМУ жанындағы Ақсай университеттік клиникасында операция жасады.
Хирург баланың көмейіндегі ісікті алып тастады.
Көмей папилломатозы қатерсіз ісік түріне жатады. Бұл көбінесе адам папилломасы вирусының 6 жəне 10 түрлерін тасымалдаушы боп отырған адамдарда кездеседі. Бұл дертке шалдыққан адамдар көбінесе сөйлеу қабілетінен айрылып қалады. Санжар Асфендияров атындағы ҚазҰМУ ЛОР кафедрасының меңгерушісі Айгүл Медеулованың айтуынша, бүгінде Қазақстанда жүздеген кішкентай пациент осындай отаға мұқтаж. Арасында асқынулар жиі болады. Өйткені, папиллома өскен кезде қайтадан ота жасауға тура келеді. Дəрігерлердің айтуынша, бұл ауруды хирургиялық емдеу күрделі отаға жататынын айтты. Себебі, балалардың 45%-ы трахеостомиялық түтікшемен жүруге мəжбүр болады. Ауру асқынғанда балалардың даусы шықпай қалады.
Ақсай емханасында күзде 7 балаға ота жасалса, олардың 2 ғана өздігінен демалады. Италиядан келген хирург Роберто Пужеду 16 адамға операция жасайды. Олардың бірсыпырасында көмей қатерсіз ісігі болса, кейбіреулері жол апатынан жарақат алған. 13 жастағы қыз бала көпбалалы отбасынан шыққан.
