Алматыда кәсіпқой бокс кеші өтеді, деп хабарлайды Sports.kz. Tukeshov Boxing Promotions компаниясы ұйымдастыратын кеште рингке Қазақстанның тәжірибелі боксшылары және дебютанттар шығатын болады. Шоу хедлайнерлерінің бірі - жеңіліп көрмеген спортшыларымыз Рай Сейітжанов (5-0, 2 КО) пен Нұрбол Бердімұратовтың (2-0) айқасы. Кездесу 8 раундқа есептелген. Р.Сейітжанов соңғы жекпе-жегін Алматыда 18 желтоқсанда өткізген еді. Ол бірінші раундта ресейлік Евгений Ваземаны (9-13, 4 КО) нокаутқа жіберді. Н. Бердімұратов та осы кеште Райымбек Түкеновке қарсы айқасып, төрешілердің әртүрлі шешімімен жеңіске жетті.