Басқосуға 300-ден астам жас қызметкер қатысты.
2019 жылдың 11 желтоқсанында «Қазақстан темір жолы» ҰК» АҚ барлық өңірлік темір жол бөлімшелерінен келген 300-ден астам жас қызметкердің қатысуымен Х Республикалық жастар форумының салтанатты ашылуы болып өтті, – деп хабарлайды ұлттық компанияның баспасөз қызметі.
Республикалық жастар форумының мақсаты жас теміржолшылардың инновациялық белсенділігін ынталандыру, олар үшін мансаптық мүмкіндіктер құру, өндірістегі ұқыптылық пен мәдениет принциптерін енгізу, коммуникацияны дамыту.
Биылғы форумның негізгі тақырыбы «БЛАГО» (қауіпсіздік, көшбасшылық, амбиция, мақтаныш, жауапкершілік) жаңа корпоративтік құндылықтарды енгізу болып табылады.
Салалық жастар форумы биыл мерейтойлық саналады және де «Қазақстан темір жолы» ҰК» АҚ оныншы рет өткізілуде. Қазақстанда баламасы жоқ форум теміржол саласының әр түрлі учаскелерінде жұмыс істеп жүрген жас талантты қызметкерлерді сәтті қолдап келеді.
Жас теміржолшылар алдында «ҚТЖ» ҰК» АҚ Басқарма Төрағасының корпоративтік мәселелер және HR жөніндегі орынбасары Серік Әбденов құттықтау сөз сөйледі. Ол Компания мақсаттары мен соңғы жеткен жетістіктері туралы айтты және де ол жас қызметкерлердің арқасында мүмкін болғандығын атап көрсетті.
– 2016-2021 жылдарға арналған Компанияның Жастар саясаты бағдарламасын жүзеге асыру шеңберінде, ал сондай-ақ «Жастар жылы» шеңберінде жас теміржолшылар кәсіби және жеке дамуға бағытталған, әр түрлі іс-шараларға қатысты. Компания жас қызметкерлері өздерінің кәсібиліктерін көрсете және дәлелдей алатын жаңа жобаларына бастама берді. Осында тұрған әрқайсысы – көшбасшы, өзгерістер жолсерігі, – деді С. Әбденов.
Форум – жыл ішінде Компанияда ұйымдастырылған ерекше жастар бастамасының қорытындысын шығару. Еліміздің 16 өңірінде «Менеджмент жобасы» бағдарламасы бойынша 1600 астам қызметкер қатысқан инновациялық білім беру тренингтері өткізілді.
Басқарушы директор – Бас инженер Батыр Котыревтің төрағалығымен Кеңес отырысының қорытындысы бойынша жобалар көрмесіне қатысуы үшін 24 финалист-жоба Форумға жолдама алды. Аталған жобалар ішінен Компания басшылығымен 3 жеңімпаз-жоба таңдап алынып, Форумның соңғы күні жария етілетін болады.
Бұдан басқа, бұған дейін Тараз, Қарағанды және Нұр-Сұлтан қалаларында КТК VII Өңіраралық ойындары өткен еді. Финалға шығу үшін 14 команда сайысты. Республикалық жастар форумы шеңберінде Басқарма Төрағасының Кубогы үшін финалдық ойын өтеді.
Сондай-ақ «Жастар жылын» қолдауда Компаниямен «ҚТЖ 100 жас тұлғасы» бағдарламасы іске қос Бағдарлама мақсаты жас қызметкерлердің нақты мысалында адалдық белсенділігі мен кәсібилікті, меритократия, этикалық идеяларды жылжыту болып табылады. Бағдарлама жас қызметкерлер жұмысын үш бағыт: инновация, әлеуметтік жауапкершілік және кәсібилік бойынша кезеңімен таңдап алуды қарастырады. Форум шеңберінде «ҚТЖ 100 жас тұлғасы» құрамына енген жас қызметкерлер Компания басшылығының назарына ұсынылады.
Сонымен қатар, Компанияның жаңартылған Стратегиясын бірлесе талқылау Форумның негізгі жұмыс форматы болды.
Командақұрушы іс-шаралар, зияткерлік ойындар, бизнес-симуляциялар, кросмәдени коммуникацияларды дамыту жөніндегі тренингтер, интерактивті форматтар, панельдік жарыссөздер, жетекші сарапшылармен мастер-кластар өткізіліп тұрады.
Форум аясында Компания жастарының бастамасымен жыл сайынғы «Жастар бастамаларының марафоны» қайырымдылық жобасы өтеді.
