Еліміздегі жеті облыста қолайсыз ауа райына байланысты ескерту жарияланды, деп хабарлайды Aikyn.kz Қазгидрометке сілтеме жасап. 10 қаңтарда Ақтөбе облысының кей жерлерінде жаяу бұрқасын, тұман, көктайғақ күтіледі. Оңтүстік-шығыстан, оңтүстіктен жел соғады, кей жерлерінде 15-20 м/с күтіледі. Батыс Қазақстан облысының кей жерлерінде тұман, көктайғақ, жаяу бұрқасын күтіледі. Жел оңтүстік-батыстан, батыстан соғады, кей жерлерде күші 15-20 м/с. Орал қаласында: 10 қаңтарда тұман, көктайғақ, жаяу бұрқасын күтіледі. 10 қаңтарда Қарағанды облысының кей жерлерінде тұман күтіледі. Жел шығыстан оңтүстік-батысқа ауысады, кей жерлерінде екпіні 15-20 м/с күтіледі. Ақмола облысының кей жерлерінде жаяу бұрқасын күтіледі. Оңтүстік-батыстан, оңтүстіктен жел соғады, күші кей жерлерде 15-20 м/с күтіледі. Павлодар облысының басым бөлігінде қар күтіледі. Кей жерлерде жаяу бұрқасын, оңтүстік-батыстан, батыстан соғатын желдің күші 15-20 м/с күтіледі. Қостанай облысының кей жерлерінде тұман, жаяу бұрқасын күтіледі. Оңтүстік-батыстан соққан жел, оңтүстік-шығыс желіне ауысады, кей жерлерде 15-20 м/с. Солтүстік Қазақстан облысында қар күтіледі. Кей жерлерінде тұман, жаяу бұрқасын күтіледі. Оңтүстік-батыстан соғатын жел оңтүстік-шығыс бағытына ауысады, кей жерлерде күші 15-20 м/с күтіледі.