Вице-министр, Бас мемлекеттік санитарлық дәрігер Ерлан Қиясов коронавирустың таралу көрсеткіші бойынша Қазақстан қайтадан «сары» аймаққа өткенін айтты.
«Қазақстан «жасыл» аймақтан «сары» аймаққа өтті. «Сары» аймақтан «қызыл» аймаққа екі облыс – Қостанай және Ақмола облыстары өтті. Қазіргі уақытта «сары» аймақта Нұр-Сұлтан, Алматы қалалары, Солтүстік Қазақстан, Павлодар, Атырау облыстары тұр. Қаңтарда Батыс Қазақстан облысы «жасыл» аймақтан «сары» аймаққа өтті. Қалған өңірлер «жасыл» аймақта», – деді ол Орталық коммуникациялар қызметінде өткен брифингте.
