Тараз инновациялық-гуманитарлық университеті 2019-2020 оқу жылына профессор-оқытушылар құрамының бос лауазымдарына орналасуға конкурс жариялайды:
«Жаратылыстану» факультеті бойынша
1. «Жаратылыстану мамандықтар» кафедрасына:
қауымдастырылған профессор (доцент) – 1; аға оқытушы (математика, физика) – 2.
2. «Стандарттау және ветеринарлық санитария» кафедрасына:
қауымдастырылған профессор (доцент) – 3; аға оқытушы (стандарттау және сертификаттау-1, ветеринарлық санитария) – 2; оқытушы (ассистент) – 1.
3. «Ақпаратты-коммуникативтік технологиялар» кафедрасына:
профессор – 1; қауымдастырылған профессор (доцент) – 2; аға оқытушы –1.
4. «Биология және ауылшаруашылық мамандықтар» кафедрасына:
кафедра меңгерушісі – 1; қауымдастырылған профессор (доцент) (ауылшаруашылық пәндер) – 1; аға оқытушы (биология – 1, агрономия – 1) – 2.
5. «Туризм, география және тарих» кафедрасына:
кафедра меңгерушісі – 1; қауымдастырылған профессор (доцент) – 2; аға оқытушы (туризм – 1, философия – 2, тарих – 3) – 6; оқытушы (география) – 1.
«Білім» факультеті бойынша:
1. «Педагогика және психология» кафедрасына:
қауымдастырылған профессор (доцент) – 1; аға оқытушы – 1.
2. «Мектепке дейінгі және бастауыш оқыту» кафедрасына:
кафедра меңгеруші – 1; қауымдастырылған профессор (доцент) – 1; аға оқытушы – 2.
3. «Кәсіптік оқыту және бейнелеу өнері» кафедрасына:
профессор – 1; қауымдастырылған профессор (доцент) – 1; аға оқытушы (бейнелеу өнері және сызу) – 1.
4. «Филология» кафедрасына:
кафедра меңгеруші – 1; аға оқытушы (орыс тілі) – 2; оқытушы (орыс тілі) – 1.
5. «Шетел тілдері» кафедрасына:
кафедра меңгерушісі – 1; профессор – 1; қауымдастырылған профессор (доцент) – 2; аға оқытушы (ағылшын тілі) – 3; оқытушы (ассистент) (ағылшын тілі) – 1.
6. «Дене шынықтыру және бастапқы әскери дайындық» кафедрасына:
қауымдастырылған профессор (доцент) – 2; аға оқытушы (дене шынықтыру) – 2.
«Экономика және құқық» факультеті бойынша:
1. «Құқықтану» кафедрасына:
кафедра меңгерушісі – 1; профессор – 1; қауымдастырылған профессор (доцент) – 1; аға оқытушы – 1.
2. «Мемлекет және құқық теориясы» кафедрасына:
кафедра меңгерушісі – 1; қауымдастырылған профессор (доцент) – 1; оқытушы (ассистент) – 1.
3. «Экономика және басқару» кафедрасына:
кафедра меңгерушісі – 1; профессор – 1; қауымдастырылған профессор (доцент) – 2.
4. «Қаржы және есеп» кафедрасына:
кафедра меңгерушісі – 1; қауымдастырылған профессор (доцент) – 1; аға оқытушы – 2.
Конкурсқа қатысушы тұлғаларға (біліктілікке) қойылатын талаптар:
Кафедра меңгеруші:
Біліктілікке қойылатын талаптар: жоғары (немесе жоғары оқу орнынан кейінгі) білімі, ғылыми дәрежесі, педагогикалық немесе басшы қызметтегі жұмыс өтілі кемінде 5 жыл болуы тиіс.
Профессор қызметіне:
Біліктілікке қойылатын талаптар: жоғары (немесе жоғары оқу орнынан кейінгі) білімі, ғылыми дәрежесі, «қауымдастырылған профессор (доцент)» ғылыми атағы және ғылыми-педагогикалық қызметтегі еңбек өтілі кемінде 5 жыл болуы тиіс. Құқық қорғау органдарының, арнайы мемлекеттік органдардың және қорғаныс саласындағы мемлекеттік органның жоғары оқу орындарында Қазақстан Республикасының тиісті мемлекеттік органдарында басшы лауазымдарындағы қызмет өтілі кемінде 7 жыл немесе ғылыми-педагогикалық қызметтегі жұмыс өтілі кемінде 5 жыл, соның ішінде доцент қызметінде кемінде 1 жыл болуы тиіс».
Қауымдастырылған профессор (доцент):
Біліктілікке қойылатын талаптар: жоғары (немесе жоғары оқу орнынан кейінгі) білімі, ғылыми дәрежесі, ғылыми-педагогикалық қызметтегі еңбек өтілі кемінде 5 жыл болуы тиіс. Құқық қорғау органдарының, арнайы мемлекеттік органдардың және қорғаныс саласындағы мемлекеттік органның жоғары оқу орындарында Қазақстан Республикасының тиісті мемлекеттік органдарында басшы лауазымдарындағы қызмет өтілі кемінде 7 жыл немесе ғылыми-педагогикалық қызметтегі жұмыс өтілі кемінде 5 жыл, соның ішінде доцент қызметінде кемінде 1 жыл болуы тиіс.
Аға оқытушы қызметіне:
Біліктілікке қойылатын талаптар: жоғары (немесе жоғары оқу орнынан кейінгі) білімі, ғылыми-педагогикалық қызметтегі еңбек өтілі кемінде 3 жыл, оның ішінде оқытушы лауазымында кемінде бір жыл болуы немесе мамандығы бойынша практикалық жұмыстағы өтілі кемінде 5 жыл және/немесе ғылыми дәрежесі болуы тиіс.
Оқытушы (ассистент) қызметіне:
Біліктілікке қойылатын талаптар: жоғары білімі, мамандығы бойынша еңбек өтілі кемінде 3 жыл және/немесе магистр академиялық дәрежесі болуы тиіс.
Барлық конкурсқа қатысушылар білуге міндетті:
Қазақстан Республикасының Конституциясын, Қазақстан Республикасының «Білім туралы», «Ғылым туралы» , «Сыбайлас жемқорлыққа қарсы күрес туралы», «Қазақстан Республикасындағы тіл туралы» заңдарын және басқа да білім беру саласының нормативтік құқықтық актілерін; білім беру жүйесін басқару теориясы мен әдістемесін; оқу жоспарларын дайындау тәртібін; оқу жұмыстарының құжаттарын жүргізу ережесін; кәсіби білім беру педагогикасын, физиологиясын, психологиясын және кәсіптік білім беру әдістемесін; студенттерге білім беру мен тәрбиелеудің қазіргі формалары мен әдістерін; экономика негіздерін, еңбек заңдарын; еңбекті қорғау, техника қауіпсіздігі және өрттен қорғау ережелері мен нормаларын.
Конкурсқа қатысуға тілек білдірген тұлғалар үшін төменде көрсетілген құжаттар тапсырылуы қажет:
1. Ректордың атына өтініш;
2. Кадрларды есепке алу бойынша жеке парағы;
3. Өмірбаян;
4. Жоғары білімі мен академиялық және ғылыми дәрежесі туралы
дипломдардың, ғылыми атағы туралы құжаттардың көшірмелері және салыстыру үшін түпнұсқалары;
5. Қайта даярлау және біліктілікті арттыру туралы сертификаттардың көшірмесі (болған жағдайда) және салыстыру үшін түпнұсқалары;
6. Ғылыми жұмыстар мен өнертабыстарының тізімі (болған жағдайда);
7. №086 нысанындағы медициналық анықтама;
8. Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің есептері бойынша тұлғаның қылмыстық құқықбұзушылық жасауы туралы мәліметтердің болуы не болмауы туралы анықтама;
9. Білім беру бағдарламасы бойынша жобаның презентациясы (электронды түрде, көлемі 10 слайдтан артық емес);
10. Наркологиялық және психоневрологиялық ұйымнан тіркеуде тұрмайтыны туралы анықтамасы;
11. Осы жоғары оқу орнында жұмыс істейтін тұлғалар конкурсқа қатысу немесе еңбек шарты бойынша лауазымды атқару үшін жоғары оқу орны басшысының атына өтініш, мінездемесін, егер болған жағдайда ғылыми жұмыстары мен өнертабыстарының тізімін береді.
Өтініш беру мерзімі: Хабарландыру жарияланған күннен бастап 30 күнтізбелік күн ішінде. Құжаттарды қабылдаудың аяқталатын күні – 10.08. 2018 ж.;
уақыты – сағат 17.00.
Құжаттар көрсетілген мекенжайда қабылданады:
Тараз қаласы, Желтоқсан көшесі №69 б, Ұйымдастыру және кадр жұмыстары бөлімі
тел.: 54-11-24; ұ.т.: 8 775 808 37 75
Ректор Е.САУРЫҚОВ