Сайлау процесі және үгіт-насихат кезінде «Nur Otan» партиясы Шығыс Қазақстан облыстық сайлауалды штабтарының қоғамдық қабылдау бөлмелеріне сайлаушылардың 2 525 ұсынысы мен өтініші келіп түсті.
Олардың әрқайсысы әртүрлі мәселе бойынша көмекке жүгінген. Атап айтқанда, әлеуметтік қамсыздандыру – 25,5%, ТҮКШ – 13,6%, тұрғын үй және жер учаскелерін бөлу – 11,5%, жұмысқа орналастыру және еңбек даулары – 0,4%, денсаулық сақтау – 5,2%, білім беру – 11,4%, банктер мен банк ұйымдарының қызметі – 3,6%, кәсіпкерлік – 3,1%, сот және құқық қорғау қызметі – 2,9%, агроөнеркәсіптік кешен – 1,4%, халықты құжаттандыру және тіркеу – 1%. Сондай-ақ қабылдау бөлмелеріне келіп түскен ұсыныстар мен шағымдардың 20%-ы өзге де мәселерді қамтыды. Талдау қорытындылары бойынша 1 717 ұсыныс (68%) сайлау алдындағы бағдарламаға енгізілген, 51 шағым жергілікті атқарушы органдармен бірлесіп одан әрі қарау үшін бақылауға алынған. Ал 149 ұсыныс қолданыстағы заңнаманы өзгерту мәселелеріне қатысты болды. Қалған азаматтардың 349 ұсынысында (14%) партия саясатын қолдау мен алғыс сөздер жазылған.Әбілмансұр ЖАСАН