Джейкобс Головкинді жекпе-жекке шақырды
Джейкобс Головкинді жекпе-жекке шақырды

Ол соңғы кездесуінде Чавесті уақытынан бұрын жеңген болатын.

Орта салмақтағы бұрынғы әлем чемпионы Дэниэл Джейкобс мекискалық кіші Хулио Сезар Чавесті жеңген соң кімдермен кездескісі келетінін айтты. Бұл екеуінің жекпе-жегі 173 фунт аралық салмақ дәрежесінде өткен болатын.

Америкалық спортшы өзінің бұрынғы қарсыласы IBF/IBO нұсқалары бойынша әлем чемпионы Геннадий Головкиннен есе қайтармақ ниетте. «Мен Джермалл Чарло немесе GGG-мен жекпе-жекке шыққым келеді. Егер бұл кездесулер болмай қалған жағдайда екінші орта салмақтағы чемпиондық белбеу үшін Билли Джо Сондерс немесе Каллум Смитпен қолғап түйістіруге дайынмын», – деді Джейкобс.

Естеріңізге сала кетейік, Головкин мен Джейкобс арасындағы жекпе-жек 2017 жылы өтіп, төрешілер бірауыздан отандасымызды жеңімпаз деп таныған болатын.