Facebook қолданушысы 14 жастағы ұлының Горький атындағы паркте сырғанап жүріп құлап қалғанын жазады.
«Бала паркке досымен барған. Қатты соққыдан бала есінен танып қалған», - деді ол.Оқиға орнына келген жедел жәрдем бала мен оның досын 12 қалалық ауруханаға алып кеткен. Ауруханада жедел жәрдем қызметкерлері баланың телефонынан ЖСН нөмірін алып, аурухананың ауласында қалдырып кеткен.
«Досының айтуынша, оларды аурухана қабылдамаған. Себебі баланың жасы 15-ке толмаған. Фельдшер оларға балалар ауруханасына баруға кеңес берген. Осылайша басы жарылған, кәмелетке толмаған баланы көшеде қалдырып кеткен», - дейді анасы.Балалардың қалтасында артық ақша болмағандықтан, олар үйге жаяу жеткен.
«Үйге келген соң жедел жәрдем шақырдым. Олар баланы №1 балалар стационарына алып кетті. Сол жерде жарақатын тігіп, ауруханаға жатқызды», - дейді анасы.Осы мәселеге байланысты баланың анасы полицияға шағымданған. Қалалық жедел жәрдем стансасының баспасөз қызметі бұл ақпаратты растады.
«Бұл дерек бойынша барлық дерек жинақталды. Бүгінде фельдшерге қатысты тәртіптік кеңес өткізілді. Фельдшер 2 жыл жұмыс істеп келеді. Мінез құлқы сабырлы. Өз айыбын мойындады. Комиссия шешіміне сәйкес тәртіптік шара қолданылды», - деді жедел жәрдем қызметінен.