Жамбыл облысы Т.Рысқұлов ауданының қорғаныс істері жөніндегі бөлімінің басшысы алаяқтық үшін сотталды, — деп хабарлайды zakon.kz.
Жамбыл облысы Сыбайлас жемқорлыққа қарсы қызметі шекті жасына жетуіне байланысты әскери билет пен әскери есепте болу туралы анықтама беруге көмектескені үшін азаматтың қаражатын алдау және сенімін теріс пайдалану арқылы иемденгені үшін күдікті деп танылған Т.Рысқұлов ауданының қорғаныс істері жөніндегі бөлімінің басшысы, майор К.Д.Мингбаевқа қатысты тергеуді аяқталды.
Биыл 20 желтоқсанда Шымкент гарнизоны әскери сотының үкімімен К.Д. Мингбаев алаяқтық жасағаны үшін кінәлі деп танылып, оған 350 мың теңге көлемінде айыппұл салынды. Мемлекеттік қызметте лауазым атқару құқығынан, сонымен қатар, майор әскери атағынан айыру жазасы тағайындалды.