Мұқтаж жандарға көмек көрсету алматылық нұротандықтардың басты назарында. Биылғы жылы қаланың мемлекеттік мекемелері басшыларының азаматтарды қабылдауы қайта басталды. Бұған дейін ол Парламент Мәжілісі мен барлық деңгейдегі мәслихаттар сайлауының өткізілуіне байланысты тоқтатылған болатын. 13 қаңтардан бастап партияның қоғамдық қабылдау бөлмелерінің жұмысына қалалық әкімдіктің түрлі басқармалары мен департаменттерінің өкілдері қатысты.
Энергия тиімділігі және инфрақұрылымдық даму басқармасының басшысы Айдар Беркімбаевпен кездесуде алматылықтар «Forumplus» және «Тау Хаус» ТК техникалық қолайсыздығына наразылық білдірді. Өз кезегінде Көкқайнар және Рахат шағын аудандарының тұрғындары сумен жабдықтаудың жоқтығына және электрмен жабдықтау сапасының төмендігіне шағымданды. Осыған ұқсас мәселелер Павлодар облысы Жетісу ауданы шағын ауданында да бар. Наурызбай ауданы Таусамалы ауылындағы «Алматы жылу желілері» ЖШС-нің әрекетсіздігін Медеу ауданының тұрғындары атап өтті. Олардың айтуынша, үйлер тиісті түрде жылытылмайды, осыған байланысты электр аспаптарын қосу арқылы тұрғын үй-жайларды қосымша жылытуы тиіс. Тиісінше тұрғындар жылыту қызметтерінің толық құнын, сонымен қатар электр энергиясын төлеу арқылы қосымша шығынды көтерді. Бұл ретте ұжымдық наразылықты тыңдаған басқарма басшысы жақын арада аталған факті бойынша қызметтік тексеру тағайындалатынын хабарлады.
Ал қоғамдық денсаулық сақтау басқармасы басшысының орынбасары м.а. Ләйлә Иманғалиеваның қабылдауында 70 жастағы зейнеткер Аширкүл Қошмағанбетова өз жағдайын айтып берді.
«Менің тағдырым осылай болып қалды, жалғыз тұрамын, көмек күтетін ешкім жоқ. Дәрігердің қабылдауына бара алмаймын, маған тұрақты тіркелім жоқ деп айтады, бірақ Алматыда бұрыннан тұрамын. Өздеріңіз білетіндей, менің жасымда адамның өзін-өзі емдеуі дұрыс емес», – дейді зейнеткер.
«Nur Otan» партиясының қалалық филиалының қолдауымен зейнеткер № 2 қалалық емханаға тіркелді.
Айта кету керек, қабылдау кезінде алматылықтарды толғандыратын тақырыптар медициналық-әлеуметтік сараптама жүргізу тәртібі, сондай-ақ зейнетақы жинақтарын мақсатты пайдалану мәселелері болды. Мемлекеттік органдардың өкілдері барлығы 25 өтініш бойынша түсініктеме берді.
Қабылдауға келесі телефондар арқылы жазылуға болады: 8 (727) 279 78 00, 8 777 640 78 52, 8 747 106 79 68. Қабылдау кестесімен филиалдың https://www.instagram.com/nur_otan_almaty/ ресми парақшасында танысуға болады.
