Бұл туралы inbusiness.kz хабарлады.
Теміртау қаласының Төтенше жағдайлар департаментінің мәліметінше, 23 қаңтарда сағат 14:15-те «АрселорМиттал Теміртау» АҚ диспетчерінен кезекші операторға AMT еншілес компаниясы «Құрылысмет» ЖШС-ның соғу-престеу цехының құлағаны туралы хабарлама түскен.
№11 жылыту пешінің үстіне жалпы аумағы 72 шаршы метр болатын екі аражабын тақтасы құлағандығы анықталды.
Апат салдарынан №11 жылу пешінің қосалқы платформасы мен инженерлік құрылымдарына зақым келген.
Апат демалыс күні болғандықтан, зардап шеккендер жоқ.
