Путин оппозиция жетекшісі Алексей Навальныйдың «Путин сарайына» қатысты пікір білдірді

РИА Новостидің жазуынша, сарай туралы Путин студенттермен кездесуінде айтты.

Ресей президенті Владимир Путиннің айтуынша, өзі фильмді («Путин сарайы» – ред.) бастан-аяқ көрмеген. Дегенмен, көмекшілері әкелген видеоның үзінділерін қарап шыққан.

«Фильмде менің меншігімдегі дүние-мүлік ретінде көрсетілгеннің бәрі маған да, менің жақын туысқандарыма да тиесілі емес. Ешқашан тиесілі болған емес, ешқашан болмайды», – деді Владимир Путин.

  https://youtu.be/71DXzFFVViY Ресей президенті бұл ақпарат он жылдан астам уақыт бойы айтылып келе жатқанын да тілге тиек етті. Тек Навальный қолайлы сәтті пайдаланған сыңайлы деп жауап берді. Сондай-ақ Путин бизнеске ешқашан қызықпағанын да айтты.   [caption id="attachment_105990" align="aligncenter" > Фото: Дереккөзден алынды[/caption]

«Путин сарайы» фильмін оппозиция жетекшісі Алексей Навальный түсірген. Навальный қамауға алынған соң Ресейдің бірнеше қаласында митинг өтті.