"Ел туын биік көтере алмадым"– Жалғас Жұмағұлов
"Ел туын биік көтере алмадым"– Жалғас Жұмағұлов
Қазақстандық аралас жекпе-жек шебері Жалғас Жұмағұлов (13-5) UFC-дегі жеңілісіне қатысты пікір білдірді. Абу-Дабиде өткен UFC 257 турнирінде Жалғас швециялық Амир Альбазимен (14-1) жұдырықтасақан еді. Жеңіл салмақтағы жекпе-жек (56,7 кг) жоспарланған үш раундқа созылып, төрешілердің бірауыздан қабылдаған шешімі арқасында Әлбазидің пайдасына шешілді.
"Барлығы біліп отырғандай, менің #UFC257 жекпе-жегіндегі екінші жекпе-жегім нәтижесіз болды. Мені осы күнге дейін қолдайтын және маған сенетіндердің барлығына, қолдау білдіріп, жазғандарға сіздің үміттеріңізді ақтамағаныма қарамастан, алғыс айтамын. Мені сынаушыларға да рахмет айтамын, бұл сіздің ойыңыз бен эмоцияңызды білдіру - сіздің құқығыңыз. Мүмкін мен өзіме тым көп тапсырған шығармын, және мұндай ұйымда менің елімнің атынан сөйлеу, өте үлкен жауапкершілік. Мен өз елімнің туын биікке көтере алмағаныма өкінемін. Мен қолымнан келгеннің бәрін жасауға тырыстым, бар күшімді бердім, халқымның алдында шын ниетіммен жасадым, бірақ бәрі мен қалағандай болмады.
Енді демалып, күш-қуатымды жинап, әрі қарай жаттығу жоспарын жақсарту үшін алда біраз жұмыс күтіп тұр. Мен өзіме артылған үмітті ақтағым келді, бірақ әрқашан мен қалағандай бола бермейді, бірақ мен осы сынақтар арқылы өтіп, иншаАллах мықты болып ораламын! Мен берілмеймін, көңілімді қалдырып мойымаймын! ИншаАлла, мықтылығымды дәлелдеймін!", - деп жазды Жұмағұлов Instagram желісінде.