Алматы қаласының бас санитарлық дәрігері Жандарбек Бекшин жаңа шектеулерге қатысты құжат әзірленіп жатқанын айтты.
"Бұл жұмыс аяқталып қалды. Брифингтен кейін мен енгізілетін жаңа шектеулерге қатысты жұмысты аяқтаймын, ертең бәрін хабарлайтын боламыз", - деді Бекшин брифингте.Оның айтуынша, Алматыдағы коронавирус бойынша эпидемиологиялық жағдай соңғы 4 күнде күрт нашарлады, күніне 125-132 жағдай тіркеліп жатыр. КВИ жағдайларын эпидемиологиялық тексеру барысында қоғамдық орындарда науқастардың 40%-ы, қоғамдық көлікте науқастардың 20% - ы, сондай-ақ ауырғандардың 28% - ы отбасынан жұқтырғаны анықталды. Соңғы 3 аптада отбасылық іс-шараларда (той және отбасылық іс-шаралар т.б.) сондай-ақ кинотеатрлар мен театрларға барған кезде жұқтырған жағдайларда тіркелді. КВИ жоғары аурушаңдығы 20-39 жас аралығындағы азаматтар арасында 35% деңгейінде, 40-59 жас аралығында 27-28% деңгейінде тіркелуде, бұл сауда объектілеріне (сауда ойын-сауық орталықтары, сауда үйлері, базарлар) мен қоғамдық тамақтану орындарына бару және қоғамдық көлікті пайдаланумен байланысты.