«Мал ұрлады» деген күдікпен ұсталған әскерилер сот алдында жауап беріп жатыр. Бұл туралы КТК хабарлады.
Сот процесі онлайн форматта өтіп жатыр. Алты күдіктінің екеуі – әскери қызметкер.
Сарыағаштағы Ұлттық қауіпсіздік комитетіне қарасты «Дархан» шекара заставасының қызметкері мен «Сарығаш» шекара қызметінің бақылаушысы тағы төрт серігімен 7 сиыр, 3 қой мен бір жылқыны ұрлады деп айыпталып отыр.
Прокурордың айтуынша, мал ұрлау былтыр шілде айында басталған. Алты адамнан құралған қылмыстық топ Келес ауданында жайылып жүрген малды айдап алып кеткен.
