Ақтөбе облысы Ойыл ауданындағы жасотандықтар, ауыл шаруашылығы колледжінің студенттері ауыл ішінде адамдарды тегін тасыды. Бұл шараны олар Тәуелсіздіктің 30 жылдығына орай «30 игі іс» акциясы аясында қолға алды.
– Ауыл тұрғындары алғысын білдіріп, жастарды қолдайтынын айтты. Осынау қайырымдылық шарасы алдағы уақытта жалғасын табады. Ардагерлерді де назардан тыс қалдырмаймыз. Жалғызбасты қариялардың үйін жинап, қарын тазартып береміз, – деді «Jas Otan» Жастар қанатының төрағасы, аудандық жастар ресурстық орталығының басшысы Мейрамбек Музамелұлы.
Ойыл ауданының жастары Қараой ауылындағы замандастарына эстафета жолдады. Олар таңертең балаларды балабақшаға тасыды. Қараой жастары болса Сарбие ауылындағы замандастарын акцияны қолдауға шақырды.
Айта кетейік, аудандағы игі іс әр ауылды қамтиды.
Әбілмансұр ЖАСАН
