Бұл туралы «Бірыңғай жинақтаушы зейнетақы қорының» басқарма төрағасы Жанат Құрманов айтты.
Ол кейбір азаматтарға зейнетақы жинағының бір бөлігі не себепті берілмей жатқанын түсіндірді.
«БЖЗҚ-ға 25-30 қаңтар аралығында 52 мыңнан астам өтінім түсті. Оның ішінде жалпы жинақтық сомасы 212 млрд теңгелік 38 389 өтінім (74%) одан әрі қарау үшін қабылданды. Төленуге тиіс сома – 5,5 миллион теңге. 28 қаңтардан бастап БЖЗҚ «Қазақстан халық банкінің» уәкілетті операторларынан өтініштер қабылдай бастады. БЖЗҚ-да өтінімдер қабылдау басталғаннан бері жалпы сомасы 212,6 млрд теңгеге 38507 өтінім алдын ала мақұлданған. Ал өтінімді қабылдаудан бас тартудың басты себебі, кейбір салымшылар қолжетімді мөлшерден асатын соманы көрсеткен. Мәселен,13% қолжетімді сома мөлшерінен асып кеткен. Мүлде жинағы жоқ азаматтардан да өтініштер түсті. Дұрыс жазылмаған, қайталанғандар да бар», – деді Жанат Құрманов.
Бұған дейін зейнетақы жинағын баспана үшін пайдалануға берілетінін жазған болатынбыз.
