Қызылорда облысының Еңбек саласындағы бақылау басқармасының басшысы Төреахмет Жолымбетов «Nur Otan» партиясы облыстық филиалының қоғамдық қабылдау бөлмесінде азаматтарды жеке мәселелері бойынша қабылдады.
Басқарма басшысының қабылдауында болған Еркебұлан Ысқақов жеке басын куәландыратын құжат рәсімдеп беруін өтінді. Ол өзінің жеке басын куәландыратын куәлігін осы кезге дейін алмағанын, туу туралы куәлігін Қармақшы аудандық көші-қон полициясына 2020 жылы бергенін айтады. Басқарма басшысы мәселе бойынша Қармақшы аудандық көші-қон полициясына хабарласып, мән-жайды анықтады. Зерделеу барысында азаматтың құжат тапсырмағаны анықталып, қайта құжат тапсыруға кеңес берілді. Ал Мейрамкүл Байжанова мен Инабат Ағыбай қаржылай және әлеуметтік көмек көрсетуді сұрады. Төреахмет Жолымбетов азаматтарға алдағы уақытта демеушілер көмегімен қолдау жасау назарда болатынын жеткізді.Әбілмансұр ЖАСАН