Алматы облыстық Полиция департаменті баспасөз қызметінің мәліметінше, қазір аталған фактіге сәйкес ҚР ҚК 191 бабы 1 бөлігі «Тонау» дерегі бойынша сот алды тергеу жүріп жатыр.
Оқиға 3 ақпан күні болды. Күндізді сағат 11:00-де полиция бөлімшесіне 53 жастағы пошта қызметкері арызданған.
«Пошта қызметкері зейнеткерлер үйіне келе жатқанда белгісіз біреу артқы жағынан келіп, велосипедтің жәшігінде жатқан дорбаны алып қашқан. Онда 1,5 млн теңге болған. Жедел-іздестіру шарасы барысында 40 жастағы жұмыссыз жүрген жергілікті тұрғын ұсталды. Ол өз кінәсін мойындады. Күдікті бұған дейін де сотталған екен», – деді Талдықорған қалалық Полиция басқармасының басшысы Асқар Нұрсапа.
