Келесі аптада Мәжіліс бірқатар маңызды халықаралық келісімдерді қарайды. Мәжіліс Спикері Нұрлан Нығматулиннің төрағалығымен палата бюросы өтті. Жиында алдағы жалпы отырыстың күн тәртібінің жобасы анықталды.
Оған сәйкес, жалпы отырыста депутаттар назарына бірқатар халықаралық келісімдерді ратификациялайтын заң жобасы ұсынылмақ. Атап айтқанда, оның арасында «Мемлекетаралық стандарттау жөніндегі құжаттарды тарату туралы келісімді ратификациялау туралы» заң жобасы бар. Бұл келісім мемлекетаралық стандарттау саласында қолданылатын құжаттардың дұрыстығы мен өзектілігін, сондай-ақ ТМД-ға қатысушы мемлекеттердің ұлттық стандарттау жүйелерінің шығындарын өтеуді қамтамасыз етеді. Бұдан бөлек, депутаттар ТМД ұйымына мүше мемлекеттердің бас бостандығынан айырумен байланысты емес жазаларды орындауы туралы конвенцияны, сонымен қатар «2011 жылғы 22 маусымдағы Кеден одағына мүше мемлекеттердің кеден қызметтерінің біріккен алқасы туралы шартқа өзгерістер енгізу туралы хаттаманы» ратификациялайтын заң жобасын талқыға салады.Елдос СЕНБАЙ