6 ақпанда Қазақстан Республикасы аумағына Германия, БАӘ, Мысыр, Түркия, Грузия, РФ, Беларусь Республикасы және Өзбекстаннан 17 халықаралық әуе рейсі келді.
Санитариялық – эпидемиологиялық бақылау комитетінің мәліметінше, 2 099 әуе жолаушыларының ішінде ПТР-тестілеудің теріс нәтижесі бар анықтамамен 1 615 адам келсе, 484 Қазақстан азаматының анықтамасы болмаған. Оның ішінде: Алматы қаласының әуежайына – 9 рейс, 1 350 жолаушы, анықтамамен – 1 049, анықтамасыз – 301; Нұр-Сұлтан қаласының әуежайына – 6 рейс, 431 жолаушы, анықтамамен – 355; анықтамасыз – 76; Ақтөбе қаласының әуежайына – 1 рейс, 232 жолаушы, анықтамамен – 125; анықтамасыз – 107; Шымкент қаласының әуежайына – 1 рейс, барлық 86 жолаушы анықтамамен келген.
Анықтамасыз келген Қазақстан азаматтары келген жерлері бойынша COVID-19-ға ПТР-талдау әдісімен тест тапсырды және карантиндік стационарларда өз нәтижелерін күтті. Анықтамасыз келген барлық 470 ҚР азаматының ПТР-талдаулары теріс нәтиже көрсетті.
