Украиналық жұқпалы аурулар дәрігері Евгений Дубровский кейбір адамдар ешқашан коронавируспен ауырмайды деп мәлімдеді. Бұл туралы Aikyn.kz apostrophe.ua-ға сілтеме жасап хабарлайды.
Дәрігердің айтуынша, кейбір адамдар, тіпті вирус жұқтырған адамдармен өте жақын байланыста болса да, коронавируспен ауырмайды. Мұндай адамдардың иммундық жүйесі өте күшті. Сондықтан вирус ағзаға енсе де, жоя алады.
«Вирус жұқтырғандармен жақын байланыста болған адамдардың ауырмағаны іс жүзінде белгілі болды. Дәрігерлердің ішінде де ондай адамдар бар», – деді ол.
Дәрігер COVID-19 кесірінен өкпеде түрлі асқыну пайда болатынын атап өтті.
«Жүрек-қан тамырлары аурулары бар науқастар, артық салмағы бар адамдар, қант диабетімен ауыратындар. Негізгі қауіп осыларда. Егер отбасылық дәрігер өз пациенттерін көрмей-ақ дұрыс кеңес берсе, бұл оларды ауыр зардаптардан құтқаруы мүмкін», – деп қорытындылады дәрігер.
