Талдықорған қаласы Өтенай ауылына қарасты Жақсыгелдинов көшесіндегі 13-үйдің қожайыны В.Захаров үйінің жанында бетондық электр бағанасының апаттық жағдайда, яғни үйге қарай қисайып кеткенін аңғарып, жергілікті электр желі тасымалдаушы мекемелерге бірнеше рет хат хабарласып, оңдыжауап ала алмаған.
Шарасыз тұрғын үй иесі «Nur Otan» партиясының облыстық филиалына WhatsАpp желісі арқылы өтінішін білдіріп, нұротандықтар бұл мәселені бақылауына алды. Облыстық партия филиалы төрағасының бірінші орынбасары, облыстық мәслихат депутаты Г.Тойлыбаева аталған сұрақ бойынша бірден жергілікті электр тасымалдаушы мекемелерге хабарласты. Нәтижесінде, мекеме өкілдері аталған тұрғын үй ауласына келіп, арнайы техника кранымен бетондық бағананы алып тастады. Мәселенің шешілгеніне қуанған үй иесі партиялықтарға алғысын айтып, жылы лебізін білдірді.
– Бұл бағана біздің үйге қарай қисайып тұрды. Қанша күннен бері бірқатар мекемеге хабарластық, еш нәтиже болмады. «Nur Otan»-ға хабарласып, оларға бұл мәселені жеткіздік. Тез арада әрекет етіп, ертеңгісін келіп, бағананы алып тастады. Көмекке келген партиялықтарға алғыс білдіремін, – деді үй иесі В.Захаров.
Партиялықтар тарапынан бетондық бағаналардың сапасыз орнатылуы және құрылыс уақытында мердігер мекеменің жергілікті коммуналдық қызметі балансына салынған бағаналарды тапсыру заңдылығы бойынша мониторинг жүргізіліп, алдағы өтетін партиялық бақылау комиссиясының отырысында қаралмақ.
