Ақпарат және қоғамдық даму министрі Дәурен Абаев еліміздегі православ христиандарын Рождество мерекесімен құттықтады, – деп хабарлайды «ҚазАқпарат».
Министр Нұр-Сұлтандағы Свято-Успенский кафедралды шіркеуіне барып қайтты. «Бүгін бүкіл православ әлемі христиандардың басты мерекелерінің бірі – Иса Пайғамбардың туған күнін тойлайды. Тарихи православ дәстүрлері әлемдегі халықтарды біріктіріп, елдерде бірлік пен келісімнің нығаюына септігін тигізеді. Дәл осы жарқын әрі мейірімді мерекеде жақсылық пен мейірімділіктің мәңгілік құндылықтары, кішінің үлкенге деген құрметі ұлықталады. Өзінің терең маңызымен бұл мереке қазақстандықтарды біріктіре түсіп, біздің елдегі бірлік пен конфессияаралық келісімді сақтауға айтарлықтай үлес қосады. Қазақстандықтар діни сеніміне қарамастан, әрдайым бір-бірін маңызды діни мерекелерде құттықтап келеді. Осынау мереке жылу мен махабат, достық сыйласын. Баршаңызға жақсылық пен жарқын болашақ тілеймін», – деді Дәурен Абаев.