Конело Головкинмен үшінші рет жекпе-жекке қашан түсетіні туралы айтты
Конело Головкинмен үшінші рет жекпе-жекке қашан түсетіні туралы айтты
Мексикадылық боксшы Сауль "Канело" Альварес (54-1-2, 36 КО) алдағы мақсатты туралы айтып берді. Ол алдағы уақытта екінші орта салмаққа көтеріліп, алдағы 12 айда бес кездесу өткізіп, барлық белбеуді жеңіп алуға ниетті екен, деп жазады Vesti.kz. "Канелоның" алдағы жоспарына орта салмақта өнер көрсететін қазақстандық боксшы Геннадий Головкинмен (41-1-1, 36 КО) жекпе-жек өткізу ойда жоқ екен. "Қазір менің мақсатым басқан. Онымен (Головкинмен) кездесу ойда жоқ. Биыл онымен жұдырықтаспайтыным анық", – деді мексикалық боксшы ESPN арнасына берген сұқбатында.  Екінші орта салмақта WBC және WBA Super белбеулерінің иегері ақпан айында өзінің міндетті қарсыласы түркиялық Авни Йилдырымға (21-2, 12 КО) қарсы кездесу өткізеді. Сосын ол мамыр айында осы салмақта WBO иегері британдық Билли Джо Сондерске (30-0, 14 КО) қарсы жекпе-жекке шығады. Сонымен қатар мексикалық боксшының жоспарында IBF белбеуінің иегері америкалық Калеб Плантпен (21-0, 12 КО) кездесу өткізу де бар. "Менің басты мақсатым - екінші орта салмақта барлық белбеуді жеңіп алу. Келесі қарсыластарымның барлығы чемпион. Мен соларды жеңуге ниеттімін", – деді "Канело. Сауль Альварестің айтуынша, ол 2021 жылы төрт кездесу өткізеді екен. Тіпті кездесулердің қашан өтетіні де белгілі. Ол ақпан, мамыр, қыркүйек және желтоқсан айларында шаршы алаңға шығады. Еске салайық, Головкин мен "Канело" бұған дейін екі рет кездесті. 2017 жылы өткен айқас тең аяқталса, бір жылдан кейін мексикалық боксшы жеңіске жетті.