Орман өртінен миллиардтан астам жануар қырылды, — деп хабарлайды ABC News-ке сілтеме жасап «ҚазАқпарат».
Сидней университетінің мәліметінше, осы жануарлардың 800 миллионы Жаңа Оңтүстік Уэльс штатындағы орман өртінен қырылған.
Автралияда өрт маусымы әдетте желтоқсаннан наурызға дейін болатын.
Бірақ биыл қыркүйекте басталып, әлі бірнеше айға жалғасады. Елдегі ауқымды өрттен Австралияда жан-жануарлар қырылды.
Штаттың мемлекеттік өрт сөндіру қызметінің мәліметінше, 2019 жылдың қыркүйегінен бастап Жаңа Оңтүстік Уэльс штатында өрт салдарынан 1687 үй, 2020 жылдың 1 қаңтарынан – 771 үй қираған.
Жергілікті өрт сөндірушілердің арқасында штаттағы 21 000 үй аман қалғанын атап өтті. Австралия премьер-министрі Скотт Моррисон дүйсенбі күні елде кем дегенде 25 адам қаза тауып, 2 мың үй қирағанын мәлім етті.