Режиссер Ақан Сатаев түсірген «Томирис» фильмі биыл сәуірдің 10 күні Түркия кинотеатрларында көрсетіледі. Бұл туралы түркиялық сарапшы Куршад Зорлу twitter-дe жазды.
Түркиялық ғалымның жазуына қарағанда, фильм көрерменге қазақ тілінде түрікше субтитрмен ұсынылмақ екен.
Сонымен қатар түрікше дубляжы да болады. Куршад Зорлу «Елеңдеп жүрген қауымнан сүйінші сұраймын. Біраз уақыт бұл тақырыпты сөз етіп едік. «Томирис» фильмі 10 сәуір, жұма күні Түркия кинотеатрларында болады. Қазақ тілінде түрікше субититрмен және түрікше дубляж түрінде екі нұсқаның бірін таңдай аласыздар» деп жазды.
Ал түркиялық көрермен бір жағынан қуанғанымен, сәуірге дейін әлі үш ай бар екенін, мұншама уақыт күту де оңай емес екенін жазуда.
Аманкелді ҚҰРМЕТ
