Ақмола облысында ауа райына байланысты республикалық бірқатар жолдар жабылды.
Облыстық Төтенше жағдайлар департаментінің баспасөз қызметінің мәліметінше, Ақмола облысында ауа райының нашарлауына байланысты (қар, боран) 18 ақпан сағат 10:45-тен бастап республикалық маңызы бар автожол учаскелерінде көліктің барлық түріне қозғалыс тоқтады. Атап айтқанда, «Қостанай-Әулиекөл-Сұрған» автожолының 232-260 шақырымында, Қостанай облысы шекарасынан Шұрған кентіне дейінгі аралықта көлік жүруіне тыйым салынды.
«Жезқазған-Петропавл» автожолының 377-595 шақырымы (Сурганова -Бұзылық кенті аралығы), «Жақсы-Есіл-Бұзылық» автожолының 63-82 шақырымы (Жақсы- ауылынан Бұзылық кентіне дейін) жабық тұр», – деді ведомстводан.
