Иранның Ислам революциясы сақшылары корпусының қолбасшысы Хосейн Салами Тегеранда зымыранмен атып түсірілген ұшақ үшін кешірім сұрады, — деп хабарлайды "РИА Новостиге" сілтеме жасаған «Спутник Қазақстан».
ISNA агенттігінің мәліметінше, Иран парламентінде сөз сөйлеген Салами Украина лайнерін атып түсіріп қателікке жол бергенін айтқан.
«Өмірімде ешқашан бұлай қатты ұялған емеспін. Бәлкім, біз қателік жіберген шығармыз. Соның салдарынан көптеген отандасымыз қаза тапты. Алайда біз әдейі істеген жоқпыз, сол үшін де кешірім сұраймыз», — деді ол.
«Бортта өзім болып, солармен бірге өртеніп кеткенім жақсы еді. Алдымен Құдай, сосын Иран халқы мен қаза болғандардың отбасылары кешірсін бізді», - деп келтірді CNN Иран генералының сөзін.
Айта кетейік, 8 қаңтарда Тегеран әуежайынан ұшып шыққан украиналық ұшақ апатқа ұшырады. Бұған дейін Иран тарапы жолаушылар ұшағын атып түсіргенін мойындаған.
Ұшақ бортында болған 176 адам – 167 жолаушы мен 9 экипаж мүшесі қаза тапты.