Мысыр астанасы Каирде әлемдегі ең үлкен мешіт салу жоспарланып отыр. Бұл туралы ел президентінің ресми өкілі Бассам Рэди өзінің Facebook парақшасында мәлімдеді.
⠀
«Астанамыздағы жаңа мешіт әлемдегі ең үлкен құлшылық үйлерінің біріне айналады. Оның мұнарасының биіктігі 140 метрге жетеді деп жоспарлануда. Мешітте ерлер, әйелдер мен балаларға арналған үлкен залдар, іс-шаралар өтетін және Құран оқу бөлмелері болады. Сондай-ақ, 3000 көлікке арналған көпқабатты автотұрақ болады», – деді Египет билігінің өкілі.
⠀
Әлемдегі ең үлкен мешіт салу туралы хабар тарағаннан бастап әлеуметтік желі қолданушыларының пікірі екіге бөлінген. Бірі, ел ауруханалары COVID-19 инфекциясын жұқтырған науқастармен толып жатқан кезде мемлекет ақшасын ысырап етуде десе, екінші тарап бұл бастаманы қолдап отыр.
Мысырда әлемдегі ең үлкен мешіт салынады
