Солтүстік Қазақстан облысындағы ірі зауыт жекешелендіруге шығарылды. Наурызда «Петропавл ауыр машина жасау зауыты» АҚ-ны (ПАМЗ - еск.) ҚР режимдік объектілерінің тізбесінен құпиялылық режимінен алынады. Ал шілдеде сатып алу-сату шартына қол қою жоспарланған. Онымен бірге аукционға «Мұнаймаш» АҚ зауыты шығарылады, – деп хабарлайды Петропавловск.news.
ПАМЗ – кеңес заманында Петропавлдағы ең ірі кәсіпорын. Онда 12 мыңға жуық адам жұмыс істеді. Бұл – өз үйі, балабақшалары, мектептері, жатақханалары, баспаханасынан шығатын жеке газеті бар шағын қалашық.
Қазір «Қазақстан Инжиниринг» мемлекеттік корпорациясына тиесілі «ПАМЗ» АҚ-да 600-ге жуық адам еңбек етеді. Мұнай-газ, химия секторының барлық жабдығы, жылыту қазандықтары және басқа құралдар өндіріледі. Зауыт бірнеше жылдан бері тапсырыстарды орындай алмай келеді. Бірнеше миллиард инвестиция мен қайта жабдықтау айтарлықтай көмектеспеді. Оған қоса, төлейтін салығы да көбеюде. 2020 жылы ПАМЗ шамамен 530 миллион теңге салық төлеген. Биыл оны жекешелендіру жоспарланып отыр.
Ақпан-наурызда кәсіпорын бағаланады, содан кейін зауыт режимдік объектілер тізімінен шығарылады. Мамыр-маусымда «ПАМЗ» АҚ аукционға сатуға қойылады. Жол картасы 2021 жылдың шілдесінде кәсіпорынды түпкілікті сату қажет.
«Мұнаймаш» АҚ кеңес жылдарында өндіріс көлемі бойынша ПАМЗ-мен салыстыруға келмейді. Бірақ 1941 жылы Петропавлға көшіп келген және жарты ғасыр бойы ауыл шаруашылығы машиналарына арналған бөлшектер мен тораптарды, мұнай химиясына арналған аспаптарды, сағат механизмдерін, радиоқұрылғыларды, халық тұтынатын тауарларды шығарған қаланың базалық зауыттарының бірі болды. Қазір зауытта 150-ге жуық адам жұмыс істейді. Көрсеткіші де жақсы. Олар оны да осылай жекешелендірмек: 1 сәуірде кәсіпорынды бағалау басталады, ал 30 шілдеде ол сатылуы керек.
