Жаңатаста 19 ақпанда бес бала қайтыс болған қайғылы жағдайдың мән-жайын көршілері айтып берді. Олар балаларды құтқаруға тырысқан.
«Ас үйде отыр едім, опыр-топыр болып жатқанын естідім. Балалар қайта жүгіріп жүр екен деп ойладым. Сосын сыртқа шықтым, көк түтін болып жатыр екен. Ішке қайтып, киініп, қолшам алып, үшінші қабатқа жүгірдім. Кіргім келді, кіре алмадым. Кіру мүмкін емес – көк түтін еді», – деді көршісі Садық Егембердиев.
Өрт салдарынан 3 қыз бен 2 ұл қайтыс болды. Ең үлкен бала 6 жасар, ал кішісі енді 7 айға толған. Балалар көмірқышқыл газымен уланған. Балаларды көлікпен ауруханаға апарған, алайда аман алып қала алмады.
«Жас, жайлы отбасы. Ата-аналары ішпейді, балалар әрдайым таза жүреді, күтімі жақсы еді. Отбасы үш бөлмелі пәтерде тұратын», – деді Алтынгүл Жамалбекова.
