Тәртіпке бағынбаған такси жүргізушісінің кесірінен 4 адам қайтыс болып, алтауы ауруханада жатыр
Төтенше жағдайлар департаментінің хабарлауынша, оқиға бүгін Ақжайық ауданында болды. Сағат 03.29-да Атырау-Орал жолының 259-шақырымында Атамекен ауылынан 10 шақырым жерде екі «Тойота Камри» автокөлігі соқтығысты.
Соның салдарынан екі көліктегі 4 жолаушы қайтыс болып, алты адам Тайпақ ауылындағы ауруханаға жеткізілді.
Полиция департаментінің ресми өкілі Болатбек Белгібековтің айтуынша, ауа райына байланысты жолды 26 ақпан сағат 00.00-ден бастап жабу туралы шешім қабылданған болатын.
Алайда, такси жүргізушісі полицейлердің заңды талабына бағынбаған. Соның салдарынан екі көлік бір-біріне бетпе-бет соғылған.
Такси жүргізушісінің полицейге бағынбағаны туралы бейнежазба бар.