Бірнеше күн бұрын Ақтау қаласында 2002 жылы туған қыздың жоғалғаны туралы ақпарат тараған, – деп хабарлайды инАктау порталы.
Ақпараттық парақшаларда бойжеткен 23 ақпан күні кешкі уақытта 11-шағын аудандағы үйден шығып, таксимен теңіз жағалауына қарай бет алғаны айтылады. Содан кейін ол байланысқа шықпаған.
«Теңіз жағалауынан оның жеке заттары: курткасы мен жейдесі және ұялы телефоны табылды», – делінген хабарламада.
25 ақпан күні қыздың анасы полицияға хабарласып, көмек сұраған. Сол күні полицейлер 4 «А» ықшамаудандағы жартас маңынан қыздың мәйітін тапты. Оның денесінде зорлық белгілері анықталмаған.
Аталған факт бойынша сотқа дейінгі тергеу басталды.
