Алматы қаласы Әуезов ауданында көпбалалы аналар арасында «Келіндер патиі» өткен. Мерекеге орай өткізілген сайыстың мақсаты – келіндердің қоғамдағы рөлі мен атқарар қызметінің маңызын айқындау.
Жергілікті арнаның хабарлауынша, сайысқа көпбалалы аналар қатысқан. Олар қолөнер, тағам дайындау сияқты кезеңде өзара сайысқа түскен. Әуезов ауданының әкімі Сайран Сайфеденовтің айтуынша, шараның ерекшелігі – мұны аудандағы белсенді әйел азаматтардың ұйымдастыруы. Тақырыпты таңдағаны орынды. Қазір салт-дәстүрімізді жандандырып, ұмытылған дәстүрлерді көпшілікке көрсету керек. Әсіресе, бұл өскелең ұрпаққа керек. Ал аудандағы «Бақытты отбасы» орталығының әлеуметтік қызметкері Назым Смағұлова жобаның мақсатын келіннің келешек ана екенін, болашақ ұрпақты тәрбиелеп отырғанын түсіндірумен байланыстырды. Оның сөзінше, келіннің қоғамда да, үйде де орны ерекше екенін түсініп, бағыт беру қажет.А.ЖОЛДАС