Елордалық спортшылар қарттар үйіндегі аналар мен коммуналдық сала қызметкерлерін Халықаралық әйелдер күні мерекесімен құттықтады, – деп хабарлайды елорда әкімдігінің ресми сайты.
"Біздің спортшылар үнемі қайырымдылық іс-шаралардың басынан табылады. Бүгін олар біздің қымбатты аналарымызға, әжелерімізге, ардагерлерімізге мерекелік көңіл-күй сыйлауға келді. Алдағы таңда да біз қашанда көмек көрсетуге дайынбыз", – деді Дене шынықтыру және спорт басқармасының басшысы Самат Ерғалиев.
Қарттар үйінде 83 жастағы әже Айғаныс спортшыларға алғыс айтып, батасын берді.
"Біз әжемізден бата алғанымызға өте қуаныштымыз. Барлық аналар мен әжелерді мерекемен құттықтаймыз", – деді муай-тайдан әлем чемпионы Алмаз Сәрсембеков.
https://youtu.be/Tcx21BCcoLY
