Үш облыста жол жабылды

Индустрия және инфрақұрылымдық даму министрлігінің хабарлауынша, 8 наурыз сағат 22:45-те Қостанай облысында ауа райына байланысты жолда барлық көліктердің жүруіне тыйым салынды.

Атап айтқанда:

1. «Екатеринбург – Алматы» автожолының 686-729 шақырымы, Сарыкөл ауылы мен СҚО шекарасы.
2. «Екатеринбург – Алматы» жолының 466-540 шақырымы, Федоровка ауылы мен Қостанай қаласының аралығы.
3. «Қостанай – Әулиекөл – Сұрған» трассасының 108-232 шақырымы, Әулиекөл ауылы мен Ақмола облысының шекарасы.

Солтүстік Қазақстан облысында ауа райына байланысты «Екатеринбург – Алматы» тасжолының 729-768 шақырымы, Қостанай облысының шекарасы мен Тоқсанби ауылы аралығында барлық көлік түрлерінің қозғалысына шектеу қойылды. Ақмола мен Қостанай облыстарында ауа райына байланысты барлық көлік түрлерінің жүруіне тыйым салынды. Нақтырақ айтқанда:

1. «Қостанай – Әулиекөл – Сұрған» тасжолының 232-260 шақырымы, Қостанай облысының шекарасы мен Сұрған ауылының аралығы.
2. «Жезқазған – Петропавл» тасжолының 537-552 шақырымы, Бұзылық пен Сұрған ауылының аралығы.
3. «Жақсы – Есіл-Бұзылық» 70-82 шақырымы, Ақсай мен Бұзылық ауылының аралығы.