Денис Евсеев пен Дмитрий Попко Санкт-Петербор АТР челленджер турнирінің екінші айналымына шықты.
Қазақстан теннис федерациясының мәліметінше, Д.Евсеев бірінші кездесуінде өзбек теннисшісі Важа Узаковпен кездесті. Денис қарсыласына бірде-бір гейм бермей, 6:0, 6:0 есебімен ұтты. Тартысты ойын бар-жоғы 33 минутқа созылды. Отандасымыз матч барысында алты брейк жасады. Д.Евсеев екінші айналымда отандасы, осы жарыстың 2-ракеткасы Дмитрий Попкомен кездеседі. Қай жеңгені ширек финалда бақ сынайды. Д.Попко болса алғашқы айналымда хорват Нино Сердарушичті 6:4, 6:4 есебімен ұтты. Жүлде қоры 52 080 АҚШ долларын құрайтын турнир 14 наурыз күні аяқталады. Айта кетерлігі, теннис жанкүйерлері үшін жағымды жаңалық көп. Е.Рыбакина Дубай турнирінің екінші айналымына шықты. А.Бублик Доха жарысын жеңіспен бастады.А.ЖОЛДАС