Қазақстанда күн күрт суытады – Қазгидромет

Қазақстанда күн күрт суытады – Қазгидромет

"Қазгидромет" РМК алдағы күндері Қазақстанда күн күрт суытатындығын хабарлады.

«Жаңбыр мен қар түрінде мол жауын-шашын байқалатын циклонның артынан суық cолтүстік-батыс антициклоны жылжи бастайды. Соның салдарынан жауын-шашын қысқа мерзімге тоқтайды және ауа температурасының төмендеуі күтіледі. Елдің оңтүстік аймақтарына Жерорта теңізінің аудандарынан циклонның шығуы әсер етеді, ол жауын-шашын әкеледі, кей жерлерде қатты жаңбыр, қар жауып, кей жерлерде тұман, бұрқасын, көктайғақ, желдің күшеюі болжанады», - делінген хабарламада.
Сонымен қатар 12 наурыз түнде Қарағанды және Ақмола облыстарда жаяу бұрқасын күтіледі. 12-13 наурызда кей жерлерде тұман күтіледі. 13 наурызда оңтүстік-батыстан соғатын жел солтүстік-шығысқа ауысады, күші кей жерлерде 15-20, екпіні 23-28 м/с құрайды. 12-13 наурызда аралығында ауа температурасының 7-12, кей жерлерде 16 градус аяздан 22-27, кей жерлерде 30 градус аязға дейін күрт төмендеуі күтіледі. 13-14 наурызда Түркістан облысында кей жерлерінде қатты жауын-шашын (жаңбыр, қар), тұман, көктайғақ күтіледі. Оңтүстік-батыстан солтүстік, солтүстік-шығысқа ауысатын жел соғады, 12 наурызда күндіз облыстың басым бөлігінде, 13-14 наурызда тәулік бойы кей жерлерде күші 15-20, екпіні 23-28 м/с, 12 наурызда күндіз таулы аудандарда екпіні 30 м/с және одан асатын жел болады деп күтілуде. 13 наурызда күндіз ауа температурасы 16-21, кей жерлерде 6-11, 3-8 градусқа дейін жылынып, кей жерлерде минус 0-5 градусқа жетуі мүмкін.