Қазақстандық боксшылар Кельндегі турнирде екі «алтын» жеңіп алды
Қазақстандық боксшылар Кельндегі турнирде екі «алтын» жеңіп алды

Кельнде (Германия) бокстан халықаралық турнир аяқталды. Қазақстан құрамасы екі алтын медаль жеңіп алды.

Olympic.kz-тің мәлімдеуінше, 91 келіге дейінгі салмақ дәрежесінде Айбек Оралбай мен 91 келіден жоғары салмақта жұдырықтасқан Қамшыбек Қоңқабаев жарыс жеңімпазы атанды.  Оразбек Асылқұлов (57 кг.), Сәкен Бибосынов (52 кг.), Ертуған Зейнулинов (63 кг.) пен Нұрбек Оралбай күміс жүлдеге ие болды.

Жарыс қорытындысы бойынша, бокстан Қазақстан құрамасы медаль саны бойынша командалық есепте көш бастады.