"Қытайда жаңа коронавирусты жұқтырғандардың жалпы саны 37,1 мыңға жетті, 811 адам қайтыс болды", - деп хабарлайды жексенбі күні ҚХР гигиена және денсаулық сақтау жөніндегі мемлекеттік комитеті.
Ведомстваның мәліметінше, Қытай аумағында жұқтырғандар саны бір тәулік ішінде 2,6 мыңнан астам адамға, қайтыс болғандар саны 89 - ға артты. Медициналық мекемелерден 2,6 мыңнан астам адам сауығып, шығарылды. Анықталған 37,1 мың пневмония ауруының 6188 жағдайы ауыр.
Естеріңізге сала кетейік, 2019 жылдың желтоқсан айының соңында Қытайда этиологиясы белгісіз пневмонияның өршуі тіркелді. 8 ақпандағы жағдай бойынша, 2019-nCoV коронавирусынан туындаған пневмониямен ауырғандардың жалпы саны – 34 мыңнан астам адам, 722 кісі өлімі, 2 мыңнан астам адам сауығып кеткені тіркелген болатын.
2020 жылдың 30 қаңтарында Қазақстан Қытаймен автобус тасымалын (29 қаңтардан бастап), жолаушылар пойызын (1 ақпаннан бастап) және әуе қатынасын (3 ақпаннан бастап) тоқтататыны белгілі болды. 6 ақпан күні Қытаймен пошта байланысы "Қазпочта"жұмысын тоқтатты.