Өрттен төрт адам көз жұмды

Қызылордада газ баллоны жарылып, 4 адам қайтыс болды. Жантүршігерлік жағ­дай дүйсенбіде, сағат 12.30 ша­масында Қармақшы ауданы Жосалы кентінде болған.

«Үй әп-сәтте қызыл жалынға оран­ды. Аудандық бөлімнің 14 қыз­меткері 3 көлікпен оқиға ор­ны­на барды. Газ баллонының жа­рылуынан баспананың бір қа­бырғасы құлап, толығымен жанып жат­қан. 4 адамның денесі үйін­ді­лер астында қалып қойған. Көр­ші­­­сінің миына зақым келіп, ау­дан­дық ауруханаға түскені анық­тал­ды», – деді Қызылорда облыс­тық Төтенше жағдайлар депар­та­мен­ті бастығының міндетін ат­қару­шы Руслан Қайрақбаев. Марқұмдардың туған-туыс­тары­ның қайғысына ортақтасып, Сыр елі жұртшылығы атынан об­лыс әкімі көңіл айтты. «Бұл еш­кім­ге оңай тиген жоқ. Осы мәсе-ле – менің ті­ке­лей бақылауымда. Өрттен, судан, басқа да апаттан аман болайық, жерлестер!» – деді Гүлшара Әбді­қа­лықова Facebook әлеуметтік же­л­ісіндегі ресми па­рақ­­шасында. Осы сияқты оқиға 9 наурыз кү­ні түнде Қызылорда қала­сын­да­ғы «Сабалақ» саяжайында тір­кел­ді. Құтқарушылар оған пештегі ақау әсер етуі мүмкін деп отыр. Анық-қанығын сараптама қоры­тын­дысы көрсетеді. Әйтеуір, адам аман. Үйді паналап келген отба­сы­ның «дала­да қаламыз ба?» деген қор­қыны­шы сейілгендей. Жер­гі­лік­ті билік қолдан келген кө­мекті жа­сап, жарымжан көңілге жалау бол­ды. Қыс – өрт өршитін уақыт. Жұрт жаппай пеш жағып, газ қол­данғасын қайғылы жағдай жиі болады. Сондайда қара­пайым ғана қауіпсіздік ережелерін ес­кермейтіні өкінішті. Де­пар­та­менттің баспасөз қызметінің мә­ліметіне сүйенсек, алғашқы екі айда өрт салдарынан 9 адам зардап шегіп, 5 адам көмірқышқыл газы­на уланды. Мәселен, жаңа жыл­дың алғашқы аптасы қы­зыл­ор­да­лық құтқарушылар үшін қауырт бол­ды. 1 қаңтарда қаланың «СПМК-70» шағынауданында ау­ла­­да тұрған темір тұлпар өртенді. Со­нымен қатар «Сәулет» шағы­нау­данында үй отқа оранды. Қы­зыл жалын сол маңда ішімдік ішкен екеудің ере­гесінен туған көрінеді. Дәл сол кү­ні түн жары­мында облыс орта­лы­ғының сая­жай бөлігінде газ бал­лоны жары­лып, уақытша құ­ры­лыс нысанын шарпыды. Төтен­ше жағдай қыз­меткерлері оқиға ор­нынан 3 адам­ның мәйітін тап­ты. Олардың 2-і – жасөспірім, туыс­­тарына қонаққа келсе керек. Үшін­шісі – 53 жаста­ғы қара жұ­мыс­шы. «Үй иелері газ баллонын тол­тырған. Оны даладан жылы жер­ге кіргізгесін қысымы көте­ріл­ген. Қайғылы жағдайға осы әсер етуі мүмкін. Оның үстіне, бізге ха­бар кеш түсті. Барған кезімізде уа­қытша тұрғын үй толық жанып кет­кен еді. Тұрғындар қауіпсіздік та­ла­бын көп елеп-ескере бер­мей­ді. Мұндай оқыс оқиғалар пеш мұр­жасын дұрыс тазалатпағаннан, электр желісінің қысқаша тұйық­талуынан, газ қондырғы­ла­рын­­дағы ақаудан жиі кездеседі. Кей­де ауладағы қоқысты немесе қу­раған шөпті бақылаусыз өртеп, жел кү­шей­генде ол сарайға, кө­лік­ке, гараж­ға, ең әрісі үйге тиіп жа­та­ды. Сон­дай-ақ көпшіліктен ба­­ла­ны үйд­е қараусыз қалдыр­мау­ды сұрай­мын. Бала отпен ойнап, бү­тін бір отбасы опық жеген жағ­дай бар», – дейді департаменттің Өрт сөндіру және авариялық құт­қару жұмыс­тары қызметі бас­ты­ғы­ның орын­басары Әбділда Бая­кеев. Құрылым қызметкерлері үй-үй­ді аралап, осының бәрін құлаққа құюының кемі жоқ. Көмірқышқыл газын анықтайтын құрылғыны орнату жұмысы да қарқынды жүргізіп жатыр. Бүгінге дейін са­тып алынған 3 838 датчиктің 3 723-і көпбалалы және әлеуметтік жағ­дайы төмен отбасылардың үйіне ор­натылды. Соның арқа­сын­да 3 отбасы қайғылы жағ­дай­дан аман қалғанын айтуға тиіспіз. Төтен­шеліктердің аяғына ораты­ла­тын кедергі аз емес. Мысалы, кейбір ау­лалар мен үйлердің кіре­беріс­терін­де темір плита, бетон қоршау тұр. Қы­зылор­да қаласын­дағы Сыр­дария өзенінің сол жа­ғалауын­дағы тұрғын үйлердің ау­лаларында су көздері жоқ. Көше бойында өрт гид­ранттары болға­ны­мен, іске ал­ғысыз. Шын мәнінде, өрт – материал­дық шығыны жоғары тілсіз жау еке­нін ескерсек, оның салдарымен күрескеннен гөрі алдын алу әл­де­қайда тиімді.

Нұрсұлтан АЛПЫСБАЙ, Қызылорда облысы