Әзербайжанда коронавирус бұрынғыдан да жылдам тарап жатыр

Қазір Әзербайжанда коронавирусқа байланысты ахуал пандемияның алғашқы күндеріне қарағанда анағұрлым қауіпті. Мәселен, соңғы бір тәулікте елде індеттің жаңадан 1759 оқиғасы тіркелген. Бұл жайында Әзербайжан медициналық университеті жанындағы Оқыту-терапия клиникасының бөлім басшысы А.Алиев айтты.

Оның сөзінше, коронавирус бұрынғыдан да жылдам тарап, адамның өкпесіне тиер зияны ұлғайды. Сондықтан асқынулар мен өлім-жітім саны артуы ықтимал. Инфекция жұқтыру қаупін алдын алу үшін әлеуметтік қашықтықты сақтау қажет.

«Ашық ауада бұл – кем дегенде 1 метр, жабық мекемеде – 1,5 метр. Медициналық масканы айыппұлдан қорыққаннан емес, қорғаныс үшін тағу қажет. Қол алысудан аулақ болған жөн. Қолды жиі жуып, құрамында спирті бар сұйықтықпен дезинфекциялау керек. Сондай-ақ адам көп шоғырланатын жерлерден аулақ болған абзал»,– деді дәрігер.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.