Алматы көшелерінде тамақ жеткізушілер шеру өткізді. Видео Instagram парақшаларда жарияланды.
Желіде тараған видеолардан тамақ жеткізу компаниялары қызметкерлерінің киімі мен арнайы сөмкесінен байқауға болады.
"Бүгін Алматыда барлық жеткізу қызметінің (Glovo, Wolt, Chocofood) курьерлері "Яндекс.Еда" сервисінде жұмыс істеп, наурыздың соңында апаттан кейін ауруханада қайтыс болған әріптесін еске алу үшін мопедтермен аза тұту шеруін өткізді", - делінген желідегі парақшада.
Еске сала кетейік, 28 наурызда Алматыда мопед мінген курьер қызыл түстен өтіп, Toyota-мен соқтығысқан болатын. Апаттың видеосы әлеуметтік желілерде тараған. Апат салдарынан мопедтің жүргізушісі мен жолаушысы жарақат алған. 1 сәуірде жолаушы ауруханада қайтыс болғаны хабарланған.
