Сенаторлар туристік қызмет мәселелерін шешуге арналған заң жобасын қарайтын болды. Бұл Палата Төрағасы Мәулен Әшімбаевтың төрағалығымен өткен бюро отырысында анықталды. Жиында келесі аптада, 8 сәуірде өтетін Сенаттың кезекті отырысының күн тәртібінің жобасы қалыптастырылды.
Үкіметі мен Қырғыз Республикасының Үкіметі арасындағы көші-қон саласындағы ынтымақтастық туралы келісімді ратификациялау туралы» заң жобасын қарайды деп күтілуде. Келісім екі ел арасындағы көші-қон процестерін реттеуге қатысты мәлімет алмасуды оңайлатады. Осылайша, тараптар статистикалық, құқықтық және ғылыми-әдістемелік ақпаратты, сондай-ақ олардың аумағындағы екі мемлекеттің азаматтары туралы мәліметтерді бір-біріне береді. Сондай-ақ Сенат депутаттары «Кейбір заңнамалық актілерге туристік қызмет мәселелері бойынша өзгерістер мен толықтырулар енгізу туралы» заң жобасын талқыға салмақ. Елімізде туристік басымдыққа ие үздік -10 аумақ белгіленеді. Егер инвесторлар ол жерде туристік объекті құрылысын бастауға ұйғарса, онда оған жеңілдіктер беріледі. Бюро отырысы барысында Мәжілістен келіп түскен заң жобалары Сенаттың тұрақты комитеттері арасында бөлінді.Ерік ЕРДЕНОВ