Көкшетауда көпқабатты тұрғын үйдің балконы құлады. Балконның бетон плитасы мен кірпіштері үйдің алдында тұрған көліктің үстіне түсті, - деп хабарлады Ақмола облыстық ТЖД баспасөз қызметі.
Келеңсіз жағдай бүгін сағат 14:42 облыс орталығындағы Кенесары көшесі, 25 мекенжайы бойынша орналасқан 5 қабатты тұрғын үйде болды.
«Анықталғандай, көппәтерлі тұрғын үйдің ең жоғары 5 қабатындағы пәтердің балконы құлаған. Оқиға орнына ТЖД 3 техникасы мен 14 қызметкері барып, құлаған балконның орнындағы кірпіш сынықтарын тазалады. Зардап шеккендер мен қайтыс болғандар жоқ», - делінген хабарламада.
